http://www.akhbar-libya.ly/content/uploads/2016/05/13/5cc5b7397c.jpg

باسم يوسف ينتقد السيسي بسبب «بلطجة» أمناء الشرطة

محيط 0 تعليق 2 ارسل لصديق نسخة للطباعة

وجه الإعلامي الساخر باسم يوسف انتقادات لاذعة للرئيس عبدالفتاح السيسي بسب تدهور ما وضفه بـ “بلطجة أمناء الشرطة” على المواطنين وبسبب تدهور الأوضاع الاقتصادية والسياسية في البلاد.



وقال “يوسف” في تدوينة عبر صفحته على موقع التواصل الاجتماعي “فيس بوك” موجها كلامه للرئيس السيسي: “يا إما انت مسئول مسئولية كاملة عن اللي بيحصل في البلد من بلطجة أمناء الشرطة لحبس كمية الناس المظلومين من ناس مالهاش ضهر لشباب مالهمش ذنب لكتاب و صحفيين مش المفروض يبقوا في السجن لاقتصاد بايظ بسبب قرارات غبية قلنا قبل كده انها غبية لناس بتطلع تهفلط و اسمهم لواءات لسياحة بايظة مرة عشان طيارة بتقع و مرة عشان سلاح طيرانك بيطلع يضرب سياح في الصحرا للبوليس بتاعك بيقبض و يعذب و يقتل أجانب زي ما بيعذب المصريين في الأقسام لجهاز إعلامي موجه وقذر لخمسين حاجة تانية بتعبر عن الفشل والغباء والغشومية”.

وأضاف: “المهم يا سيات الرئيس نرجع لموضوعنا: يا اما انت مسؤل عن كل ده مسؤلية كاملة يبقى انت كده صاحبي و حبيبي و كفاءة و عرفنا المسؤول مين يا اما انت مش مسؤول خالص و انت زيك زيينا بتتفرج و مش فاهم حاجة و مالكش لازمة زينا بالظبط و في الحالة دي اهلًا بيك في صفوف الجماهير. تعالى بقى، ما تيجي، مش تبقى تيجي؟”.

سيادة الرئيس طبيب الفلاسفة عبفتاح السيسي : أصل حاجة من الاتنين : يا اما انت مسئول مسئولية كاملة عن اللي بيحصل في البلد م...Posted by Bassem Youssef on Saturday, February 20, 2016




شاهد الخبر في المصدر محيط

إخترنا لك



0 تعليق

مركز حماية DMCA.com